Текст песни Xurshid Rasulov - Otamni yonida onam o'ynasin

Qayrilmas qanotim, oy-u quyoshim
Ular bor dunyoda egilmas boshim
Bugun ko‘zlarimda sevinchli yoshim
To‘yimni to‘rida Otam o‘ynasin
Otamni yonida Onam o‘ynasin

Ne orzu-umidla bizlarni boqqan
Toza suv ichirgan, halol non topgan
Shunday shod ko‘rmoqqa yuragim oqqan
To‘yimni to‘rida Otam o‘ynasin
Otamni yonida Onam o‘ynasin

Bu kunlarga yetgan, yetmaganlar bor
Bir umr armoni bitmaganlar bor
Bu so‘zlarni aytgan, aytmaganlar bor
To‘yimni to‘rida Otam o‘ynasin
Otamni yonida Onam o‘ynasin

Xudoyim ikkisin ayro qo‘ymasin
Qo‘sha qarisin-u o‘ynab to‘ymasin
Bugun o‘ynamasa qachon o‘ynasin?
To‘yimni to‘rida Otam o‘ynasin
Otamni yonida Onam o‘ynasin

Mirzo, baxtiyorlik hayot sozidir
Duo olgan farzand el hamrozidir
Ota-ona rozi, Xudo rozidir
To‘yimni to‘rida Otam o‘ynasin
Otamni yonida Onam o‘ynasin